Tricia Dizon

(7:50AM) 

Nagbukas na ang voting precincts sa Lopez Elementary School, Barangay Batong Malake, Los Baños, Laguna kung saan ang kabuuang bilang ng mga botante ay aabot sa 8,677.

Simula pa lamang ng botahan ay makikita na ang mangilan-ngilan na mga botante na nagsisimula sa paghahanap ng kanilang mga presinto sa outpost ng Parish Pastoral Council For Responsible Voting (PPCRV). 

Kapansin-pansin din ang mga senior citizens na maagang nakapila. Nakahanda na rin ang mga kararating lamang na ambulansya ng Barangay Batong Malake, mga pulis at barangay tanod, para sa kung saka-sakali lamang na magkaroon ng mga emergency dito sa voting precinct.