Ang sabi-sabi: Kailangang uminom ng antibiotics kapag may common cold at flu
Marka: HINDI TOTOO
Ang common cold at flu ay sanhi ng virus, hindi bacteria. Dahil dito, ang antibiotics, na idinisenyo para gamutin ang bacterial infections, ay hindi epektibo laban sa viral infections. Ang maling paggamit ng antibiotics para gamutin ang cold at flu ay maaaring magdulot ng antimicrobial resistance, o ang pagkawala ng bisa ng antimicrobials kapag tunay na kinakailangan.
Karaniwang nanghihingi ang maraming mga pasyente ng antibiotics mula sa kanilang doktor kapag sila ay dinadapuan ng common cold o flu (influenza) upang mabilis na gumaling.
Ngunit batay sa World Health Organization (WHO) at Centers for Disease Control and Prevention (CDC), hindi epektibo ang antibiotics laban sa mga viral infections tulad ng common cold at flu. Gayunpaman, may ilang kondisyon na kapareho ng sintomas ng common cold at flu ngunit bacterial pala tulad ng pneumonia at sinusitis, ayon sa National Health Service (NHS). Sa mga ganitong kondisyon lamang dapat gumamit ng antibiotics. Kaya mahalagang magpatingin sa doktor upang matukoy ang tunay na sanhi ng sakit at maiwasan ang maling gamot.
Ang maling paggamit ng antibiotic ay maaaring magdulot ng antibiotic resistance o unti-unting pagkawala ng bisa ng mga antibiotic sa katawan, ayon sa maraming pag-aaral. Ayon sa isa rito, ilan sa mga maling kasanayan ay ang pag-inom ng walang reseta ng doktor (self-medication), pag-inom ng antibiotic na hindi angkop sa kondisyon, paghinto sa pag-inom ng antibiotic kahit hindi pa natatapos ang buong reseta, paggamit ng antibiotic sa mga hayop, at ang kakulangan sa kaalaman ng publiko ukol sa tamang gamit ng antibiotic.
Bilang tugon sa lumalalang problema ng antimicrobial resistance, naglabas ng abiso ang Department of Health (DOH) at Food and Drug Administration (FDA) na naglalayong ipagbawal ang pagbebenta ng antibiotic nang over-the-counter o walang reseta. Kaugnay nito, matagumpay na naisulong ng FDA ang pagpapatupad ng Republic Act 10918 o Philippine Pharmacy Act of 2016 na may patakaran na “No Prescription, No Dispensing” Policy para sa mga antibiotic at iba pang gamot na may nangangailangan ng wastong gabay mula sa doktor.
@dockilimanguru Mga maling akala tungkol sa antibiotics #TheWatsonsInfluence #WatsonsPH @Watsons Philippines
Dagdag pa rito, maaari nitong gambalain ang natural na balanse ng microorganisms sa katawan at pumatay ng mga good bacteria na mahalaga para sa kalusugan.
Tuwing Nobyembre 18-24 din ay pinapangunahan ng WHO ang World Antimicrobial Resistance Awareness Week upang tugunan ang suliraning ito.
Ayon sa medical website na Mayo Clinic, walang lunas ang common cold. Kaya’t paalala ng mga eksperto gaya ng DOH na huwag basta basta uminom ng antibiotic kapag nagkakasakit. Mas mainam na magpakonsulta muna sa doktor kung hindi mabuti ang pakiramdam.
Ang sabi-sabing ito ay natalakay na rin ng ibang fact-checks kagaya ng mga sumusunod:
-
Antimicrobial Awareness Week: Debunking 5 Myths Around Antibiotics
- Pag-inom ng maling antibiotics o ‘di pagtapos sa gamutan, makakapagpahina sa talab ng antibiotics sa katawan
-
Can Antibiotics Treat My Cold?
– Irish Reyes/LB Times
Mga Sanggunian:
24 Oras. (2022). Pag-inom ng maling antibiotics o ‘di pagtapos sa gamutan, makakapagpahina sa talab ng antibiotics sa katawan. Facebook. https://www.facebook.com/share/v/16BsWMxxAD/
Al-Jumaili, A. A., & Ahmed, K. K. (2024). A review of antibiotic misuse and bacterial resistance in Iraq. Eastern Mediterranean Health Journal, 30(10), 663–670. https://doi.org/10.26719/2024.30.10.663
Can antibiotics treat my cold? (2023, May 16). WebMD. https://www.webmd.com/cold-and-flu/antibiotics-colds
Cold remedies: What works, what doesn’t. (n.d.). Mayo Clinic. https://www.mayoclinic.org/diseases-conditions/common-cold/in-depth/cold-remedies/art-20046403
Department of Health (Philippines). (2022). Facebook.com. https://www.facebook.com/DOHgovPH/posts/1116388971705687/
Food and Drug Administration. (2012, October 11). DOH-FDA Advisory No. 2012-017: Antimicrobial Resistance https://www.fda.gov.ph/wp-content/uploads/2022/06/DOH-FDA_Advisory_No_2012-017.pdf
Jacob, N., Jacob, N., & Factchecker. (2022, November 16). Antimicrobial Awareness Week: Debunking 5 myths around antibiotics. Factchecker. https://www.factchecker.in/myths-facts/antimicrobial-awareness-week-debunking-5-myths-around-antibiotics-842475
Supreme Court e-Library. (2016, July 17). REPUBLIC ACT NO. 10918 – AN ACT REGULATING AND MODERNIZING THE PRACTICE OF PHARMACY IN THE PHILIPPINES, REPEALING FOR THE PURPOSE REPUBLIC ACT NUMBERED FIVE THOUSAND NINE HUNDRED TWENTY-ONE (R.A. NO. 5921), OTHERWISE KNOWN AS THE PHARMACY LAW – Supreme Court E-Library. Elibrary.judiciary.gov.ph. https://elibrary.judiciary.gov.ph/thebookshelf/showdocs/2/70354
Treatment of flu. (2024, September 9). Influenza (Flu). https://www.cdc.gov/flu/treatment/index.html
Website, N. (2022, April 6). About azithromycin. nhs.uk. https://www.nhs.uk/medicines/azithromycin/about-azithromycin/
World Health Organization. (2022, November 18). [Facebook status update]. Facebook. https://www.facebook.com/WHO/posts/antibiotics-do-not-treat-viral-infections-such-as-colds-and-flu-always-seek-advi/1116762937149762/
PAUNAWA: Ang layunin ng fact-check na ito ay magbigay ng impormasyon at hindi ito dapat ituring bilang medikal na payo o kapalit ng propesyonal na pagsusuri. Para sa wastong diagnosis at paggamot ng anumang karamdaman, kumunsulta sa isang doktor o lisensyadong propesyonal sa kalusugan. Dagdag dito, ang mga ebidensyang nabanggit sa fact-check na ito ay base sa mga kasalukuyang datos nang ito ay mailathala. Maaaring mag-iba ang mga ito kapag may panibagong mga ebidensyang lumabas sa hinaharap.
May nakita ka bang kahina-hinalang sabi-sabi sa social media tungkol sa kalusugan na nais mong mabigyang-linaw? Ipadala ang screenshot o link ng naturang post sa [email protected] o sa opisyal na Facebook page ng LB Times.