TOTOO: Kada taon dapat nagpapabakuna laban sa influenza

Posted on by

Ang sabi-sabi: Kada taon dapat nagpapabakuna laban sa influenza
Marka: Totoo

Ang bakuna laban sa influenza ay kailangang iturok kada taon dahil sa mabilis na pagbabago ng strains ng virus.

Ang “flu” o trangkaso ay isang sakit na sanhi ng influenza virus. Maaari itong magdulot ng malubhang komplikasyon, lalo na sa mga matatanda, buntis, bata, at may mga karamdaman. Ayon sa Department of Health (DOH), ang bakuna laban sa influenza ay kailangang iturok kada taon dahil sa mabilis na pagbabago ng uri o strains ng virus. 

Hindi ito katulad ng ibang bakuna, kagaya ng laban sa tigdas (measles) o bulutong (chicken pox), na nagbibigay ng proteksyon habang buhay sa isang turok lang.

Ang pagpapabakuna bago ang tag-ulan o bago mag Hunyo ay inirerekomenda upang maprotektahan ang sarili sa panahon ng pagtaas ng mga kaso ng trangkaso.

“Nagbabago ang laman ng influenza o flu vaccine bawat taon dahil nakabatay ito sa karaniwang virus na nagdudulot ng trangkaso,” saad ng DOH sa isang pahayag sa kanilang opisyal na Facebook page.

Dagdag pa rito, naglalabas din ang World Health Organization (WHO) ng taunang rekomendasyon para sa komposisyon ng influenza vaccine upang matiyak na ito ay epektibo laban sa mga umiiral na strain ng virus.

Ayon naman sa isang meta-analysis na inilathala sa European Respiratory Journal, napatunayang epektibo ang taunang flu vaccine sa pagbawas ng malubhang komplikasyon gaya ng pagkakaospital at pagkamatay. Batay sa datos mula sa halos 200,000 pasyente at higit 6.5 milyong karagdagang kaso mula TriNetX, napatunayang mabisang panangga ang bakuna laban sa influenza sa lahat ng edad. 

Inirerekomenda rin ito ng mga doktor na kagaya ni Dr. Samina Cousir A. Khan at Dr. Kilimanguru.

@doc.samina

Para saan nga ba ang Flu Vaccines? #animalbite #vaccination #clinic #flu #pneumonia #HPV #hepatits #shingles #tetanus #rabies med#medtok #doctors #doctorsoftiktok #learnontiktok #DocSamina #DocSam

♬ original sound – Doc Samina – Doc Samina

Ang paksang ito ay natalakay na rin ng ibang fact-checks kagaya ng mga sumusunod:

– Sean Guevarra/LB Times

Mga Sanggunian:

Department of Health. (2024, September 27). ILI Cases Continue to Slow Down; DOH Working to Make Flu Vaccine Available. https://doh.gov.ph/press-release/ili-cases-continue-to-slow-down-doh-working-to-make-flu-vaccine-available/ 

Department of Health. (2025, April 27). Maaaring magkaroon ng trangkaso ang kahit na sino… [Image attached] [Status update]. Facebook. https://www.facebook.com/share/p/15ND55QAMp/ 

Philippine Information Agency. (2025, January 28). DOH CL urges public to get vaccinated against influenza. https://pia.gov.ph/doh-cl-urges-public-to-get-vaccinated-against-influenza/ 

Philstar. (2024, July 6). DOH: 5 million flu vaccines for elderly due August. https://www.philstar.com/nation/2024/07/06/2368113/doh-5-million-flu-vaccines-elderly-due-august 

Presa, J., Arranz-Herrero, J., Alvarez-Losa, L., Rius-Rocabert, S., Pozuelo, M. J., Lalueza, A., Ochando, J., Eiros, J. M., Sanz-Muñoz, I., & Nistal-Villan, E. (2025). Influenza vaccine outcomes: A meta-analysis revealing morbidity benefits amid low infection prevention. European Respiratory Review, 34(175), Article 240144. https://doi.org/10.1183/16000617.0144-2024 

World Health Organization. (2024, February 23). Recommendations announced for influenza vaccine composition for the 2024-2025 northern hemisphere influenza season. https://www.who.int/philippines/news/detail-global/23-02-2024-recommendations-announced-for-influenza-vaccine-composition-for-the-2024-2025-northern-hemisphere-influenza-season

PAUNAWA: Ang fact-check na ito ay may layunin lamang na magbigay ng impormasyon at ng hindi ng diagnosis, lunas, o payong medikal. Magkonsulta sa doktor o lesisyadong propesyunal ukol sa mga medikal na karamdaman. Dagdag pa rito, ang mga siyentipikong ebidensyang nakapaloob sa fact-check na ito ay totoo nang mailathala ang nasabing fact-check. Maaring magbago ang katotohanan ng mga ebidensyang ito sa hinaharap kapag may lumabas na panibagong ebidensya.

May nakita ka bang kahina-hinalang sabi-sabi sa social media tungkol sa kalusugan na nais mong mabigyang-linaw? Ipadala ang screenshot o link ng naturang post sa [email protected] o sa opisyal na Facebook page ng LB Times.