ni Ma. Emily Alforja, Los Baños Times Collaborator at Pangulo ng Kapisanan ng mga Samahan sa Malinta (KASAMA)

Ang Kapisanan ng mga Samahan sa Malinta (KASAMA) ay nakibahagi sa programa ng Department of Agriculture (DA) ukol sa organic farming.

Sang-ayon sa National Organic Agriculture Program ng Republic Act No. 10068, layunin ng programa na ipalaganap sa mga magsasaka ang paggamit ng makabagong pamamaraan sa pagtatanim na gamit ang mga organikong pampataba at pamuksa sa insekto ng iba’t-ibang uri ng halaman at gulay.

Layunin din ng DA na ang Los Baños ay makilala bilang “organic town” at makag-ani ng iba’t-ibang halaman at gulay gamit ang organikong pamamaraan.

Bukod sa Brgy. Malinta na kinakatawan ng KASAMA, mayroon pang anim na barangay na nakibahagi sa programa. Ito ang mga sumusunod: Bambang, Bagong Silang, Bayog, Mayondon, Putho-Tuntungin, at Timugan.

Bawat barangay ay may 15 kinatawan. Sila ang naatasan na mamahala sa pagtatanim. Sila rin ang dadalo sa mga pagsasanay ang DA ukol sa organikong pagsasaka. Inaasahang matutunan sa mga pagsasanay ang tamang pagtatanim.

Sa kasalukuyan, may lupang tinataniman ang KASAMA na maaaring magamit sa loob ng dalawang taon. Ang lahat na kagamitan tungkol sa pagtatanim, punla (seedling), pataba (vermicast), at troso para sa patubig ay ibinibigay ng DA sa KASAMA. Ang ani ay ibabahagi sa mga magsasaka.

Nakakatulong ang programa sa mga miyembro ng KASAMA sapagkat nakakadagdag sa kita ng isang pamilya ang mga ani.

Sa Hulyo ngayong taon, ipagdiriwang ng KASAMA ang unang anibersaryo nila sa programa. Ang kasama ay binubuo ng mga mamamayan mula sa limang purok ng Brgy. Malinta. Sa kasalukuyan, mayroon itong 300 miyembro; karamihan ay mga mangingisda.

Para sa karagdagang impormasyon, makipag-uganayan kay Ma. Emily Alforja, pangulo ng KASAMA, sa numerong 0930-800-0274.

ni Lorelie M. Liwanag, Focal Person ng Los Baños Persons with Disabilities office at Lenie Bonapos, miyembro ng  Los Baños Federation of Persons with Disabilities

Nagkaroon ng libreng pagsasanay sa paggawa ng supot sa bawat barangay ng Los Baños noong Pebrero 23, 24 at 26, sa pamumuno ng Public Employment Service Office (PESO) ng munisipyo. Layon ng pagsasanay na bigyan ng hanapbuhay ang persons with disabilities (PWDs) na kasalukuyang walang trabaho.

Bukod sa supot, tinalakay rin ang paggawa ng kahon para sa kandila, sabon, at pagkain. Ang lahat ng dumalo sa pagsasanay ay nabigyan ng starter kit para sa pagsisimula ng negosyo.

Hinati-hati ang mga barangay sa iba’t-ibang araw upang mapagtuunuan ng pansin at oras ang pagsasanay. Nagsimula noong Pebrero 23 ang aktibidad sa anim na barangay ng Anos, Bayog, Batong Malake, Maahas, Mayondon, at San Antonio. Sa huling araw, Pebrero 26, naman naganap ang pgasasanay sa mga barangay ng Bagong Silang at Putho-Tuntungin.

by Martin Imatong, Los Baños Times Collaborator and Los Baños Local Climate Change Adaptation and Mitigation Program (LCCAMP) consultant

The Los Baños Municipal Agriculture and Fishery Council (MAFC), headed by Rolflen Atienza, hosted the Provincial Agriculture and Fishery Council (PAFC) meeting last February 9 at the Los Baños New Municipal Building.

The Laguna PAFC is composed of 30 members represented by 6 cities and 24 municipalities. The meeting focused on the compliance of AFCs on all projects to be endorsed for possible assistance if the AFCs pass through proper coordination and screening. The meeting also moved to create a Climate Change Committee on all levels of the AFCs in Region IV-A.

The highlight of the forum is the Climate Change Science presentation from the Los Baños Local Climate Change Adaptation and Mitigation Program (LCCAMP) secretariat facilitated by Joan Rolusta.

Lorelie M. Liwanag, Los Baños Times Collaborator at Focal Person ng Los Baños Persons with Disabilities Office

Noong Pebrero 2, opisyal na inaprubahan ang Municipal Ordinance 2016-1510. Sa ilalim ng ordinansa, magtatalaga ng Barangay Persons with Disabilities Coordinator (BPWDC) sa bawat barangay ng Los Baños. Ang mga BPWDC ang tutulong sa Office for Persons with Disabilities na magpatupad ng mga programa at proyekto sa bawat barangay.

Ang mga pangulo ng Barangay Persons with Disabilities Association ang tatayong BPWDCs. Mayroong 13 samahan ng Barangay Persons with Disabilities Association sa bayan ng Los Baños: Anos, Bambang, Batong Malake, Baybayin, Lalakay, Maahas, Malinta, Mayondon, Putho-Tuntungin, San Antonio, Tadlac, at Timugan. Layon ng samahan na mas paigtingin ang partisipasyon ng mga PWDs sa komunidad at palawigin ang kanilang oportunidad sa trabaho, edukasyon, paglinang ng kakayahan, at iba pang aspeto.

Bahagi din ng ordinansa ang tungkulin ng bawat BPWDC at ang pagbibigay ng isang opisina sa bawat barangay para sa kanila. Magkakaroon rin ng travel allowance ang mga BPWDC na nagkakahalaga ng limang daang piso (PhP 500.00) kada buwan. Ang pondo ay paghahatian ng internal revenue allotment (IRA) ng Los Baños Office of Persons with Disabilities mula sa munisipyo at ng bawat barangay.

Ang ordinansa ay sang-ayon sa Republic Act 9442 o ang Magna Carta for Persons with Disabilities, kung saan isinasaad ang tulong ng gobyerno sa mga may kapansanan.

Noong Enero 25, sa Sangguniang Bayan Conference Room ng munisipyo ng Los Baños, nagkaroon ng pagpupulong ang mga konsehal ng bayan na sina Antonio Kalaw, Cesar Cabrera, Julius Moliñawe, Benedicto Alborida, Ricardo Bagnes, at John Emmanuel Oliva, kasama ang mga opisyales ng Los Baños Federation of Persons with Disabilities (LBFPWDs) Inc. at ng Municipal Budget Officer Genoveva Poyaoan. Sa konseho ay tinalakay ang mga probisyon ng Municipal Ordinance 2016-1510.

Ang 13 Barangay Persons with Disabilities Association ay pinamumunuan ng LBFPWD at sinusuportahan ng Municipal Social Welfare and Development Office (MSWDO).

by Martin Q. Imatong, Los Baños Times Collaborator and Los Baños Local Climate Change Adaptation and Mitigation Program (LCCAMP) consultant

The Los Baños Local Climate Change Adaptation and Mitigation Program (LCCAMP) secretariat conducted a lecture-seminar entitled “Si Juana, Si Juan, at ang Paaralan: Climate Change Action Plan in the 21stCentury”  for Colegio De Los Baños (CDLB) last January 28.

Martin Q. Imatong, LCCAMP consultant, served as the resource speaker. The four-hour lecture-seminar covered the following topics: What is Climate Change; How is Climate Change affecting the Philippines; How is Climate Change affecting Laguna; How is Climate Change affecting Los Baños; What can a person /student do to help combat Climate Change; Caring for the environment; and Community Programs and Interventions.

The program aimed to “help CDLB in promoting its educational institution mission to make students aware of important issues that directly impact their development and lives.” This is according to Aleli Teresa San Agustin-Nolido, school director and student affairs head of CDLB.

A total of 55 college students attended together with CDLB faculty and staff. LCCAMP administrative officer, Joan R. Magdaong, assisted in the program.

ni Jeanette Talag, Los Baños Times Collaborator at Presidente ng Los Baños Federation of Persons with Disabilities (LBFPWD) Inc.

Isang pagpupulong ng mga may kapansanan noong Enero 9 ang tumalakay sa partisipasyon ng mga Persons with Disabilities (PWDs) sa darating na halalan.

Pinamagatang Region 4A PWD Leaders Meeting, ang aktibidad ay inorganisa ng Ang May Kapansanang Bayani Movement (MABINI Movement-CALABARZON) at ginanap sa Andrea’s Hidden Villas Resort sa Tagaytay City.

Dumalo ang mga miyembro ng mga organisasyong pang-PWD sa mga bayan ng Rehiyon 4A. Kabilang dito ang tatlong miyembro ng Los Baños Federation of Persons with Disabilities (LBFPWD), Inc. na sina Jeanette Talag, presidente ng samahan, Lorelie Liwanag, focal person, at Lenie Bonapos.

Tinalakay sa pagpupulong ang pakikiisa sa eleksyon ng mga PWD sang-ayon sa Republic Act 10366 na kumikilala sa pangangailangan ng mga may kapansanan ng angkop na kagamitan at suporta sa pagboto. Mas kilala ang batas bilang Act Authorizing the Commission on Elections to Establish Precincts Assigned to Accessible Polling Places Exclusively for Persons with Disabilities and Senior Citizens.

Isa sa mga tagapagsalita ay si Dr. Jeana Manalaysay, isang dentista. Ayon kay Dr. Manalaysay, mahalaga rin ang magkaroon ng party list ang mga may kapansanan. Makakatulong itong palakasin ang boses ng mga PWDs sa Kapulungan ng mga Kintawan sa pamamagitan ng paglikha ng mga batas na nagsusulong sa mga karapatan at oportunidad ng mga PWDs.

Dumalo rin bilang tagapagsalita si Ronnel del Rio, isang tagapagsulong ng karapatan ng PWDs ng United Nations-Economic and Social Commission in the Asia Pacific. Katuwang niya sa diskusyon si Edwin de Villa, presidente ng Spinal Cord Injury Foundation. Tinalakay nila ang tamang pagtrato sa mga may kapansanan bilang parte ng lipunan. Pinag-usapan rin ang mga posibleng pagkukunan ng alternatibong pondo para sa mga programang makakatulong sa mga PWD.

Nagkaroon rin ng pagsasanay sa paggamit ng braille at software na nagbabasa ng mga salita sa computer screen para sa mga bulag. Napapadali nito ang komunikasyon ng mga visually impaired at tumutulong itong makasabay ang mga bulag sa lipunan sa pamamagitan ng makabagong tekbolohiya. Ito ay pinangunahan ni Arthur Letim, bise president sa Luzon ng Philippine Blind Union, Inc.

Hangad ng LBFPWD ang mas mataas na pagkilala sa mga PWDs sa bayan. Para sa mga katanungan at impormasyon, makipag-ugnayan lamang kay Jeanette Talag sa 0936-3471973.