This gallery contains 20 photos.
ulat nina Alvin James Magno, Ysobelle Denise Lopez, at Lawrence Neil Sagarino Ganap na alas nuwebe kagabi sa General Paciano Park nagsimula ang People’s Night sa Bañamos Festival 2019. Naghatid ng ngiti sa mga residente ng Los Baños ang ginanap … Continue reading
ni Rianno Emmanuel J. Domingo Pagpapatayo ng solar street lights ang nakikitang solusyon ng Barangay Bambang sa pagpapababa ng buwanang gastos nito sa kuryente kasabay ng pagpapanatiling ligtas ng mga kalye tuwing sasapit ang gabi. Ipagpapatuloy ng Barangay Bambang ang … Continue reading
This gallery contains 1 photo.
ni Yllian C. San Luis “Ang dalawa kong apo na alaga ko, maliliit pa sila, mga 6 lang ang edad, basta natuto na silang magbasa, kasa-kasama ko na sa pag-pasyon kahit saan na pasyunan… ngayon, na lumaki na, parang nawalan … Continue reading
Ulat nina Andrea Amit, Migi Delfin, at Emman Domingo
Noong Mayo 14, 2019, sa munisipyo ng Los Baños, naganap ang proklamasyon ng mga bagong naluklok na opisyal ng bayan.
Nanalo muli sa pagka-mayor si Ceasar Perez na tumakbo bilang Independent party kung saan nakakuha siya ng 18,459 na boto mula sa kabuuhan na 48,112 na rehistradong botante. Ang mga naging kapwa kandidato ni Perez sa pagka-mayor ay sina Budjong Balasoto, Ferdinand Vargas, Norvin Tamasin, at Leo de Guzman. Ito na ang ikatlong termino ni Mayor Perez mula sa pagkakahalal simula noong 2013 hanggang 2019.
sa pagka-vice mayor si Tony Kalaw na tumakbo rin bilang Independent party kung saan nakakuha naman siya ng 18,894 na boto. Natalo nito ang kapwa kandidato sa pagka-vice mayor na sina Procopio Alipon at si Jay Rolusta.
Ang walong pinalad mula sa 37 na kandidatong tumakbo sa pagka-konsehal naman ay sina Baby Sumangil Evangelista, Miko Pelegrina, Janos Lapiz, Jericho Ceciron, Marlo PJ Alipon, Mike Dexter Concio, Mark Lester Dizon, at si Cris Bagnes.
Ang mga lokal na lider ay maglilingkod ng tatlong taon sa bayan ng Los Baños.
Ang mga nanalong mga kandidato sa pagka-mayor, bise-mayor, at konsehal ng Los Baños nitong 2019 elections.
This gallery contains 2 photos.
Ulat nina Jyra Canlas at Ena Bautista Isinigawa noong ika-2 ng Mayo ang “Refresher Training” sa Multi-Purpose Hall ng Brgy. Timugan para sa mga guro at mga boluntaryong mangangasiwa sa darating na eleksyon sa Mayo 13. Ang training na ito … Continue reading
Ulat ni Naomi Mikaela Dano
Mahigit kumulang 60 na tao ang dumalo sa ika-pitong taunang blood drive ng University of the Philippines Open University (UPOU) na may temang “I helped save lives; I gave hope” noong ika-10 ng Abril. Nagsimula ang programa ng alas-otso y medya ng umaga at nagtapos ng alas-kwatro ng hapon sa Oblation Hall ng nasabing unibersidad.
DUGONG BAYANI: Ilan sa mga 60 na residente na dumalo upang kuhanan ng dugo sa blood drive ng UPOU. (Photo from Naomi Dano)
Ang programang ito ay pinangunahan ni Ms. Emely Amoloza, isang Administrative Officer ng UPOU. Naging inspirasyon niya ang kanyang yumaong anak upang itaguyod ang blood drive na ito na kanyang itinataon tuwing Abril.
“Noong time na ‘yun hindi naman kami nahirapan kumuha ng dugo, pero makikita mo yung need and importance (pangangailangan at importansya) ng pagkakaroon ng suplay ng dugo”, kanyang ipinaliwanag.
Nabanggit rin ni Amoloza na isa itong pasasalamat sa dating tulong na nakuha ng kanyang pamilya, at isang paghahatid ng tulong sa ibang nangangailangan at mangangailangan.
Isa sa mga nagbigay donasyon sa programa ay si Rodolfo Pullian, isang 27-taong gulang na first time donor.
BAGUHAN: Rodolfo Pullian, isang first time blood donor volunteer, sa programa ng UPOU. (Photo from Naomi Dano
“Minsan kasi sasabihin natin wala na tayong kayang itulong, pero yung simpleng pag-donate natin ng dugo can give hope and if possible, can extend someone’s life”, sabi ni Pullian.
Dagdag pa niya, responsibilidad daw ng mga tao ang tumulong maging sa mga maliliit at simpleng paraan dahil ito ay mayroong malaking epekto sa ibang tao.
Hindi lahat ng dumalo ay pinayagan na magbigay donasyon ng dugo. Ang blood drive na ito ay mayroong sinusunod na mga alituntunin para matiyak na ligtas ang mga balak magdonate ng dugo at maganda ang kalidad ng dugong kanilang ibabahagi sa ibang tao. Kabilang sa mga pwedeng magdonate ay ang mga sumusunod:
TIMBANG: Isa sa mga kailangan upang makapagbigay donasyon ng dugo ay ang hindi pagbaba sa 50 kilos ang timbang. (Photo from Naomi Dano)
Isa si Cristelle Katigbak sa mga dumalo ngunit hindi pinayagan magbigay ng dugo dahil siya ay may buwanang dalaw.
Ayon kay Katigbak, simula 2017 ay sinusuportahan na nila ang programang ito, sa kadahilanang gustong makatulong sa ibang tao, gaya ng tulong na nakuha ng pamilya nila noong kinailangan ng dugo ang kaniyang biyenan.
Aniya’y isa lang itong maliit na bagay na magbibigay ng malaking tulong sa ibang tao.
Ang mga dugong makakalap sa programa ay ibibigay sa Philippine Red Cross upang maipamahagi sa mga nangangailangan saan mang panig ng bansa. Ang sampung porsiyento sa mga ito ay maaring hingiin ng UPOU kung kailanganin man nila ito.
Kung nais ninyong makilahok sa kanilang susunod na blood donation drive, at para narin sa mga karagdagan pang impormasyon, maaari kayong magtungo sa UPOU o tumawag sa numerong (049) 536-6001 at hanapin si Emely Amoloza.