Sama-sama ang tanggapan ng Municipal Health Office, konseho ng Brgy. Tuntungin-Putho, at ang Gawad Kalinga sa Tuntungin-Putho sa pag-alala ng World No Tobacco Day at ng World AIDS Day sa pamamagitan ng seminar at candlelight memorial noong ika-24 ng Hunyo sa Chapel of the Risen Christ sa Brgy. Tuntungin-Putho. Ayon sa municipal health officer na si Dr. Alvin Isidoro, nasa 80 ang nakilahok sa naturang aktibidad. Pinangunahan ni Dr. Isidoro, ang municipal health officer ng Los Baños, ang candlelight memorial na ginanap sa Brgy. Tuntungin-Putho noong ika-24 ng Hunyo para sa World AIDS Day (Larawan mula sa Municipal Health Office).

Ang Bureau of Fire Protection Office (BFPO) ay nagsagawa ng demonstrasyon ng tamang pag-aapula ng apoy para sa mga empleyado ng munisipyo matapos ang flag ceremonies nong ika-30 ng Hunyo bilang bahagi ng selebrasyon ng National Disaster Consciousness Month ngayong Hulyo (Larawan mula sa Public Information Office).