“Not All Heroes Wear Capes”: Red Cross Youth of UPLB Holds Sanduguan 2019

Gallery

This gallery contains 1 photo.

by Betina Paula Cardenas and Rianno Emmanuel Domingo The Red Cross Youth of UPLB (RCY-UPLB) held Sanduguan 2019: A Bloodletting Activity on May 8, 2019 from 8 AM to 6 PM at the Student Union Sunken Lobby of the University of … Continue reading

Ika-pitong Annual Blood Drive isinagawa ng UPOU

Ulat ni Naomi Mikaela Dano

Mahigit kumulang 60 na tao ang dumalo sa ika-pitong taunang blood drive ng University of the Philippines Open University (UPOU) na may temang “I helped save lives; I gave hope” noong ika-10 ng Abril. Nagsimula ang programa ng alas-otso y medya ng umaga at nagtapos ng alas-kwatro ng hapon sa Oblation Hall ng nasabing unibersidad.

DUGONG BAYANI: Ilan sa mga 60 na residente na dumalo upang kuhanan ng dugo sa blood drive ng UPOU. (Photo from Naomi Dano)

Ang programang ito ay pinangunahan ni Ms. Emely Amoloza, isang Administrative Officer ng UPOU. Naging inspirasyon niya ang kanyang yumaong anak upang itaguyod ang blood drive na ito na kanyang itinataon tuwing Abril.

“Noong time na ‘yun hindi naman kami nahirapan kumuha ng dugo, pero makikita mo yung need and importance (pangangailangan at importansya) ng pagkakaroon ng suplay ng dugo”, kanyang ipinaliwanag.

Nabanggit rin ni Amoloza na isa itong pasasalamat sa dating tulong na nakuha ng kanyang pamilya, at isang paghahatid ng tulong sa ibang nangangailangan at mangangailangan.  

Isa sa mga nagbigay donasyon sa programa ay si Rodolfo Pullian, isang 27-taong gulang na first time donor.

 

BAGUHAN: Rodolfo Pullian, isang first time blood donor volunteer, sa programa ng UPOU. (Photo from Naomi Dano

“Minsan kasi sasabihin natin wala na tayong kayang itulong, pero yung simpleng pag-donate natin ng dugo can give hope and if possible, can extend someone’s life”, sabi ni Pullian.

Dagdag pa niya, responsibilidad daw ng mga tao ang tumulong maging sa mga maliliit at simpleng paraan dahil ito ay mayroong malaking epekto sa ibang tao.

Hindi lahat ng dumalo ay pinayagan na magbigay donasyon ng dugo. Ang blood drive na ito ay mayroong sinusunod na mga alituntunin para matiyak na ligtas ang mga balak magdonate ng dugo at maganda ang kalidad ng dugong kanilang ibabahagi sa ibang tao. Kabilang sa mga pwedeng magdonate ay ang mga sumusunod:

  • mayroong tulog na hindi bababa sa anim na oras
  • walang singaw, sugat, o gasgas, kahit gaano pa ito kaliit
  • walang bagong tattoo
  • walang ininom na gamot sa loob ng apat na araw
  • hindi nabakunahan sa loob ng apat na araw
  • hindi uminom ng alak, o anumang inuming may alkohol sa nakalipas na 24 oras
  • walang sakit tulad ng kanser, sakit sa puso, diabetis, at iba pa.
  • hindi bababa sa 50 kilos ang timbang
  • hindi nagdadalang tao o buntis
  • kasalukuyang walang buwanang dalaw

TIMBANG: Isa sa mga kailangan upang makapagbigay donasyon ng dugo ay ang hindi pagbaba sa 50 kilos ang timbang. (Photo from Naomi Dano)

Isa si Cristelle Katigbak sa mga dumalo ngunit hindi pinayagan magbigay ng dugo dahil siya ay may buwanang dalaw.

Ayon kay Katigbak, simula 2017 ay sinusuportahan na nila ang programang ito, sa kadahilanang gustong makatulong sa ibang tao, gaya ng tulong na nakuha ng pamilya nila noong kinailangan ng dugo ang kaniyang biyenan.

Aniya’y isa lang itong maliit na bagay na magbibigay ng malaking tulong sa ibang tao.

Ang mga dugong makakalap sa programa ay ibibigay sa Philippine Red Cross upang maipamahagi sa mga nangangailangan saan mang panig ng bansa. Ang sampung porsiyento sa mga ito ay maaring hingiin ng UPOU kung kailanganin man nila ito.

Kung nais ninyong makilahok sa kanilang susunod na blood donation drive, at para narin sa mga karagdagan pang impormasyon, maaari kayong magtungo sa UPOU o tumawag sa numerong (049) 536-6001 at hanapin si Emely Amoloza.

Ika-anim na yugto ng UPOU Annual Blood Drive, isinagawa

Gallery

This gallery contains 7 photos.

ulat nina Laubrey Ella G. Fernandez at Ma. Greatchin S. Brucal mga litrato ni Jeric Agorilla   Nasa 50 hanggang 100 katao ang dumalo upang magbigay ng dugo sa ika-anim na yugto ng taunang blood drive handog ng UP Open … Continue reading

Unang Bloodletting Project ng Barangay Bambang, ilulunsad ng PWD Association

Gallery

This gallery contains 2 photos.

ulat nina Sandra San Carlos at Joshua Perolina Ang kauna-unahang bloodletting project ng Persons with Disability (PWD) Association ng Barangay Bambang ay isasagawa sa Day Care Center ng barangay bukas, Pebrero 24 mula 8:30 ng umaga hanggang 3:00 ng hapon. Inaasahan … Continue reading

Unang blood drive ng Brgy. Maahas, inilunsad

Gallery

This gallery contains 22 photos.

ulat nina Margarite Igcasan, Joshua Jonas, at Mistral Reyes Isang bloodletting drive ang inilunsad sa unang pagkakataon ng Sangguniang Barangay ng Maahas, kasama ang Tanggapan ng Sangguniang Panlalawigan ng Laguna sa pamumuno ni Bokal Leanne P. Aldabe-Cortez, noong Pebrero 17, … Continue reading

Bloodletting Drive, idaraos sa Barangay Maahas

Gallery

This gallery contains 1 photo.

Ulat ni Gillian Sagario Gaganapin ang “Bloodletting Drive” ngayong darating na ika-17 ng Pebrero 2018 sa Barangay Maahas Covered Court na magsisimula ng alas-otso ng umaga hanggang alas dose ng tanghali. Ayon kay Jhayr Mundin, head coordinator ng drive at Barangay … Continue reading