Artemio Ortega, street musician, pumanaw na

Image

ulat ni Elijah Jesse Pine

MUSIKA SA DAPITHAPON. Hawak ang bote ng barya sa isang kamay at silindro sa kabila, madalas pumuwesto si Artemio “Tem” Ortega sa tapat ng Jollibee Junction upang tumugtog. Tila sinasalungat ng musika niya ang bulyaw ng mga tao at busina sa kalsada tuwing dapithapon. (kuha ni Ruth Veluz)

Pumanaw na noong Martes, Abril 12 ang bulag na street musician na si Artemio Ortega, mas kilala bilang Kuya Tem o Mang Alexander. Siya ay 47 taong gulang. 

Maaalala si Kuya Tem sa madalas niyang pagtugtog sa Jollibee Junction ng mga awiting gaya ng Top of the World gamit ang kanyang silindro. Sa gitna ng halu-halong init, usok, at ingay sa kalsada, nagbigay ginhawa ang musika ni Kuya Tem sa bawat pasahero at drayber na nakarinig sa masigasig niyang pagtugtog. 

Ayon kay Mehida Mildred Estrella, pamangkin ni Kuya Tem, pumanaw siya noong Abril 12 bunsod ng acute respiratory failure. 

Ipinanganak na bulag si Kuya Tem. Noong siya ay labing-anim na taong gulang, nakapag-aral siya ng self-mobility matapos maipadala ng DSWD sa National Vocational Rehabilitation Center (NVRC) sa Maynila. Sa naturang center nagsimula ang pagkahilig ni Kuya Tem sa pagtugtog, matapos kumuha ng isang klase sa musika. Bukod sa silindro, tumutugtog rin siya ng organ

Naging daan ang pagkahilig ni Kuya Tem sa musika upang makabisita at makatugtog siya hindi lamang sa Los Baños, ngunit maging sa San Pablo, Mindoro, at Marinduque. 

Noong 2017, na-feature ang kwentong musika ni Kuya Tem sa isang special episode ng Dito Sa Laguna. Kasabay ng Linggo ng Musikang Pilipino ang pagpapalabas sa nasabing episode. 

Maaari itong mapanood sa http://bit.ly/2Qw1So8.

Sa taon ring iyon, isinagawa ng UP Silakbo, isang music organization sa UPLB, ang Areglo, isang benefit gig para kay Kuya Tem. Naging bahagi ng naturang gig ang mga bandang kagaya ng Jensen and the Flips at Ang Bandang Shirley. Nagkaroon din ng pagkakataong tumugtog sa entablado si Kuya Tem sa selebrasyong ito.

HARANA. Gamit ang organ at silindro, hinarana ni Kuya Tem ang mga dumalo sa Areglo, ang benefit gig na inorganisa ng UP Silakbo para sa kanya noong 2017. (mula sa UP Silakbo Facebook Page)

“Bilang anak, si Tem ay mapagmahal, responsable, may sariling disposisyon sa buhay, at higit sa lahat maka-Diyos,” ani Gng. Mehida Ortega, ina ni Kuya Tem. 

Mula naman kay Ruth Veluz, isa sa mga organizers ng Areglo at miyembro ng UP Silakbo, “Maraming salamat, Mang Alexander sa araw-araw at gabi-gabi na pamamahagi mo ng iyong talento sa mga taga-Los Banos. Masuwerte kami at pinaunlakan mo ang imbitasyon namin na mapakinggan ng mas maraming tao ang musika mo.” 

Sa mga nais magpaabot ng tulong sa pamilya ni Kuya Tem, maaaring magpadala sa GCash account na nasa ibaba:

MEHIDA MILDRED ESTRELLA – 09502514454

KWENTONG LB: Karanasan sa Bakuna laban sa Covid-19 ng isang Medical Frontliner

Gallery

Ulat nina Maria Sarell Vicente at Angeli Marcon Isa si Dr. Anthony Charles Dalmacio sa mga medical frontliners na unang nabakunahan ng AstraZeneca vaccine laban sa COVID-19 noong ika-19 ng Marso 2021. Si Dr. Dalmacio ay isang ENT o (Eyes, … Continue reading

Mobile app para sa online selling ng gulay, planong ilunsad ng OMA

Gallery

Ulat ni Aaron James L. Villapando Bilang tugon sa hamon ng Covid-19, planong ilunsad ng Office of the Municipal Agriculturist (OMA) ng Los Baños ang isang mobile application para sa online na pagbebenta at pagbili ng gulay. Planong ganapin ang … Continue reading

Student Elbipreneurs, matapang na nagpapatuloy sa gitna ng new normal

Gallery

Ni Camille Villanueva Dahil sa paglaganap ng paggamit ng online setup ngayong pandemya, naging oportunidad ito para sa ilang mga estudyante sa Los Baños upang kumita ng pera kasabay ng pag-aaral. Isa si Miko Geanne del Rosario, sophomore student ng … Continue reading

Kadiwa on Wheels: Mobile Palengke

Gallery

This gallery contains 7 photos.

Ulat ni Junius Tolentino Hindi madali ang pagpapatakbo ng isang supply chain. Ang produkto na nais ibenta nang maramihan ay mangangailangan ng maraming sasakyan upang madala ito sa isang warehouse kung saan ang mga ito ay sasailalim sa inspeksyon, pag-iimpake, … Continue reading

Mga delivery drivers sa Los Baños, nababahala sa epekto ng pandemya sa kanilang kabuhayan

Gallery

Hindi maikakaila ang hirap na epekto ng pandemya sa mga frontliners ng Los Baños. Kasama rito ang mga delivery drivers na araw-araw sinusuong ang panganib ng pagkakaroon ng sakit dulot ng COVID-19.  Matapos ang mahigit isang taong pagkaka-lockdown ng probinsya … Continue reading